Relsten shyǵyp ketken «Astana – Almaty» poıyzynyń jolaýshylary Shý stansııasyna jetkizildi, dep habarlaıdy "QTJ" UQ.
Poıyzda 829 adam bolǵan. Apat saldarynan 1 adam qaıtys bolyp, 3 jolaýshy aýrýhanaǵa jetkizildi. Basqa jolaýshylar Shý stansııasyna jetkizilip, muqtaj adamadarǵa medısınalyq jáne psıholgııalyq kómek kórsetilip, ystyq tamaq berildi. Qazir olardy negizigi dittegen jerlerine jetkizý jóninde jumystar atqarylýda.
«QTJ» UQ qaıtys bolǵan jolaýshynyń otbasy men týǵan-týystaryna qaıǵyryp kóńil aıtady jáne jaraqat alǵan jolaýshylardyń tezirek jazylýyn tileıdi. QR Zańnamasyna sáıkes barlyq zardap shekkenderge qajetti kómek kórsetiletin bolady. Atalǵan jaǵdaıdyń zardabyn joıý úshin Shý, Saryshaǵan stansııalarynan shyqqan joldy qalypqa keltiretin arnaıy poıyzdar jumys atqarýda.
Investısııa jáne damý mınıstrligi Transport komıtetiniń janynan qurylǵan arnaıy komıssııa tekserý jumystaryn aıaqtaǵan soń apattyń naqty sebebin jarııalaıtyn bolady.